Explorar los documents (15626 total)

Espectacle de circ, dança e musica

Durada : 50 minutas

Tot public, tre 6 ans

Es un eveniment particular que mena aqueles cinc personatges en un meteis espaci. Recampaire e evocador del camin corrut ensemble dempuèi lor rencontre. Las emocions que provòca van encoratjar cadun.e a se liurar e a dessenhar jos nòstres uèlhs los contorns de sos ligams als autres. D'indicis son disseminats sus la tenor d'aquel eveniment, que ven lo teatre d'aqueles retrobadas frairalas.

Un fraire intens, una sòrre fantaumatica, las que s'ausisson pas jamai, la discreta e mesurada. Nos jogam de nòstres arquetips per compausar las personalitats e las belugas qu'animaràn lors evolucions.

A aqueste endreit, un fraire o una sòrre, es pas unicament l'o las degun.s amb que partejam un ligam de sang, mas tanben un.e camarada de jòc, un.e vesin.e, un.e collèga de trabalh, qualqu'un.e traversant las meteissas galèras, menant las meteissas luchas. Èsser fraire o sòrre, es partejar un ligam fragil e preciós, perque es lo miralh de çò que sèm estats e çò que venèm.

Aital, aquestes cinc individús vendràn las susfàcias de projeccions de las experiéncias personalas de l'espectator, quala que siá son edat e sas experiéncias.

Mathis Der Maler - Concepcion, mesa en scèna e interpretacion
Laurie Maillet - Concepcion, mesa en scèna e interpretacion
Sophie Nallet - Concepcion, mesa en scèna e interpretacion

Madeleine Ré - Concepcion, mesa en scèna e interpretacion
Eloïse Rignon - Concepcion, mesa en scèna e interpretacion

29 octobre 2025 à 14h30 - Le Réservoir, St-Marcel (71) : réseau Affluences

Du 9 au 13 mars interventions artistiques - Ecole maternelle des Gachères, Gueugnon (71)

2 avril 2026 à 20h - Foyer municipal, Gueugnon (71) : réseau Affluences

10 avril 2026 à 20h - Espace Mendès France Quetigny (21) : réseau Affluences, parrainé par Cirq’ônflex

1er juin 2026 à 10h30 (scolaire) - Ecole maternelle Jean Moulin, Bron (69)

Un apròchi inedit del personatge de Landòlfi qu'emergís de la tradicion orala. Sol en scèna, Parlo-Soulet mormolha sa lenga d'òc, la dels natius, dins aqueste viatge insolita, suls camins d'un país sens frontièra.

Autrament dich, l'usatge d'una lenga e d'una cultura, demorada sus la talvera de l'Istòria, oblidosa d'una memòria a travèrs lo solilòqui burlesc d'un Francés/Provençal...

Tèxtes compausats per Claude Ribière & Jean Rouy amb de nombrós manlèu

16 artistas al platèu.
Xeremiers de Sóller : musica, danças tradicionalas
Aqueles : cant e musica
Inestable Ceretana de Teatre : Interpretacion teatrala 
Fondation musicale du Cabardés : musica, dança contemporanèa

FICHA TECNICA 

Durada : 75 min
Sus demanda alprès dels artistas 

DATAS PASSADAS E A VENIR

 
12 avril 2026 - Abans-primièra al Teatre-Casino de Puigcèrda (Esp.)

CONTACTE DIFUSION

EQUIPA ARTISTICA

Dos artistas al platèu.
Pierre Bonnet : lectura en provençal. 
François Verranini : lectura en francés. 

FICHA TECNICA 

Durada : 40

Besonhs tecnics : dos micros-votz, una encinta, dos escabèls, dos pupitres. 

L'adaptacion (en bilingüe) per una lectura publica (pichonas salas, exteriors protegits, a domicili), es etat realizada per fin de rendre accessible aquesta òbra e faire ausir aqueste floron de la lenga d'òc d'expression provençala. 

DATAS PASSADAS E A VENIR

 

CONTACTE DIFUSION

EQUIPA ARTISTICA

Un artista al platèu. 
Arnaud Cance : raconte e musica

FICHA TECNICA 

Sus demanda alprès de Sirventés 

DATAS PASSADAS E A VENIR

CONTACT DIFFUSION

Al temps que te parli, una cronica d’umanitat que nos balha una vista pregonda de la societat rurala occitana : los trabalhs e la vida de cada jorn, las fèstas, los mestièrs, lo manjar e lo beure, lo bestiar e l’ostal, las brèishas e las páurs… A l’encòp cronica familiala e tròces de vida vidanta d’un còp èra. Mas s’i vei tanben la disparicion d’un monde e la d’un masatge vengut roïnas.
Cal presar coma cal l’art d’Andriu Lagarda qu’a sauput reculhir e trascriure amb rigor e amor los remembres de sa maire : en tot legir Al temps que te parli, prendretz tanben una vertadièra leiçon de lenga viva.

Aquel libre es la frucha d’un projècte de ligason « escòla/collègi » que recampèt los escolans e collegians de l’ensenhament bilenga de Carcassona e Viladubèrt. Per vos metre l’òc e l’aiga a la boca, los collegians del Bastion e los calandrons de la Barbacana, Miquèl-Decòr e la Rosèla trabalhèron amassa per vos prepausar una seleccion de recèptas simplas, aisidas de faire e prigondament enrasigadas dins lo terrador nòstre. Alara, crompatz lo libre e zo ! a la cosina !

Avètz la causida entre :

– 8 entradas : l’ensalada carcassonesa, l’ensalada gascona, la fogassa salada, la pascada, lo pastís de pòrc, la sopa a l’alh, lo sopa de castanhas e sos crostets a l’alh, la tapenada.

– 8 plats : l’azinat, los cauçons a la chichomèia, l’estofinada, lo fressinat (de pas confondre amb lo freginat!), la galina al pòt (coma al temps del nòstre Enric), la moleta als campairòls e als espargues, la rozòla, la trufada.

– 8 dessèrts : las aurelhetas, la copetada, la crostada, los cruscants a las amètlas, las gimbeletas d’Albi, lo fenetrà e los incontornables milhàs e pompet.

Un lexic culinari occitan-francés complèta l’obratge.
(Colleccion Frafadet)

« Julian de Casabona, vadut a Herrèra d’Auloron en 1897, que s’ei acasit a Busi on, ara, ei paisan. Qu’a hèit la guèrra de 14 e un temps que tribalhè a Tolosa, on, ahiscat per Ismaël Girard, se hiquè a de bonas a escríver. A long de temps, qu’a rimat un drin, mes qu’ei sustot com autor de novèlas e romancièr que’s he un bèth traç dens la nosta literatura. […] Espravas d’amor, roman biarnés, (1927) que serà l’òbra màger de Casabona. […] L’òbra que demorarà e que’s legiràn dab amor hèra de pajas : la hèsta de Saliguèr, la caça de las palomas, la hèira de Tolosa, lo saunei de Miquèu de Pèirahòrta, la maitiada d’abriu, d’un estile plen de gràcia, e fresc e coladís e lugrejant se n’i a. »

Miquèu de Camelat, La Litterature gascoune, Pau, Marrimpouey, 1950, p. 137.

Romans, novèlas mas tanben albums illustrats, BDs... un numèro ric de proposicions per far sègre un bon libre dins lo panièr o la saqueta de plaja. La creacion actuala demòra pas de costat amb de proposicions que questionan las grandas tematicas de la nòstra epòca : desvolopament duradís, dialòg intercultural, dreits de las femnas... De fach aquel numèro s’entreva de la question. En resson amb la recenta exposicion Femnas d’òc – l’occitan al femenin, las paginas Tèma que clavan aqueste numèro vos preposausan una seria de ressorsas variadas per permetre d’i dedicar un cicle. 

Qu’es aquò, Tè! ?

Tè ! es un catalòg pensat per acompanhar los professionals de la cultura (programators, mediatecaris, mediators...) dins lor descobèrta de la creacion occitana actuala. Un supòrt d'informacion mas tanben un otís practic, per elaborar sa programacion coma son plan d'acquisicion.

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian. 

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat. 

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).


Consultar totes los numèros del catalòg Tè! en linha : AQUI

Bona lectura e bona immersion !

Pendent tota la durada del festenal, lo CIRDOC e l'associacion la Gardarem vos propausan de (tornar) descobrir l'exposicion dedicada al poèta d'Argelièrs.